Fleiri ferðafólk, minni farmur og postur

Ferðafólkatalið á flogvøllinum í Vágum var størri í februar í ár enn í februar í fjør.

19.268 ferðafólk fóru úr Føroyum ella komu til Føroya við flogfari í februar.

Vøksturin er 15,7 prosent sammett við februar í fjør.

Higartil í ár er ferðafólktalið vaksið góð 11 prosent.

Men bæði farmur og postur eru minni í ár, ávikavist 18,5 prosent og 4,2 prosent, vísa hagtøl hjá Vága floghavn.