Skulu svara semingsuppskoti í morgin

Semingsstovnurin legði um níggju tíðina í gjárkvøldið eitt semingsuppskot fram í sáttmálatrætuni millum Reiðarafelagið og tey trý manningarfeløgini, Fiskimannafelagið, Skipara- og Navigatørfelagið og Maskinmeistarafelagið. 

Partarnir hava fingið freist til í morgin klokkan 13 at taka støðu til semingsuppskotið.

Semingsstovnurin varð boðsendur 28. mars, og hann útsetti eitt møguligt verkfall í eina viku, til á midnátt í kvøld.

Men so leingi semingsstovnurin er uppi í samráðingunum, verður einki verkfall.