Meirilutin í býráðnum misti meirilutan

Fólkapensjónistar skulu ikki gjalda fyri reingerð, sum tey fáa frá Tórshavnar kommununu.

Tað bleiv úrslitið á býráðsfundinum í gjárkvøldið.

Meirilutin í býráðnum ætlaði annars at taka 300 kr. fyri hvørja reingerð.

Men Jógvan Arge, sum var á býráðsfundinum í gjár fyri Onnu Katrinu Frýdal, atkvøddi saman við minnilutanum, sum hevði broytingaruppskot um at strika brúkaragjaldið. 

Heilsu- og umsorganartænastan fer tað, sum eftir er av 2019, at bjóða fólkapensjónistum, sum ikki sjálvir megna at gera reint, reingerð.

Tórshavnar kommuna hevur gjørt avtalu við reingerðarfyritøkuna Dveyluna um hetta.

Kommunan hevur sett av 500.000 kr. til royndarverkætlanina í ár.