Avgerandi loyvið komið, fyrireikingar halda fram

Hetta er tó bara eitt loyvi av fleiri. Men hetta er týdningarmesta loyvið hjá felagnum, sum nú kann halda fram við fyrireikingunum. Tað sigur Jóhanna á Bergi, stjóri í Atlantsflogi.

Hugsað verður um at flúgva eina ferð um vikuna til New York í seks vikur í heyst. Í fyrstani verður talan um eina roynd.

Beinleiðis

Flogið verður beinleiðis, og flogferðin tekur seks tímar. Flogið verður til Newark flogvøllin. Arbeitt verður við einari ætlan, sum sigur, at ferðaseðilin fer at kosta 5.000 kr. aftur og fram.

Atlantic Airways hevur fingið at vita, at fólk koma úr USA til Føroya í summar at kanna viðurskiftini á flogvøllinum í Vágum.

Jóhanna á Bergi er annars í París, har tíðindafundur var í gjár um flúgvingina hjá Atlantsflogi til Fraklands í summar. Tann flúgvingin byrjar 1. juli.