Mannarættindi ikki brotin í føroysku ferðsluni

06.06.2019 - 12:55
Aktuelt112
Mannarættindi ikki brotin í føroysku ferðsluni
Føroyska ferðslulógin er ikki brot á mannarættindasáttmálan, sigur Hægstirættur
 

Føroyska ferðslulógin er ikki brot á mannarættindasáttmálan. Tað hevur Hægstirættur avgjørt í dag.

Sambært føroysku ferðslulógini eigur bilførari at boða politinum frá, tá hann er partur í ferðsluóhappi. Tað gjørdi maðurin, sum er dømdur í hesum málinum, ikki.

Verjin hjá manninum heldur uppá, at tað er brot á mannarættindasáttmálan at áleggja fólki at melda seg sjálv.

Seks-tíma reglan

Málið er eisini um seks-tíma regluna í ferðslulógini.  Hon sigur, at verður bilførari tikin ávirkaður áðrenn seks tímar eru farnir, síðani óhappið hendi, verður hann dømdur fyri at koyra ávirkaður, sama um hann var edrúur, tá hann koyrdi.

Maðurin fekk 8.500 krónur í sekt og misti koyrikortið treytaleyst í trý ár fyri at koyra á eitt fólk, sum var til gongu.

Sambært dóminum steðgaði hann ikki eftir óhappið, hann hjálpti ikki tí, sum hann koyrdi á, og hann meldaði ikki óhappið til politiið. Hetta var fyrst í apríl 2015.

Maðurin hevði promilluna 1,39, tá hann varð tikin. Hægstirættur lækkaði tó sektina niður í 1.750 kr. og álegði statskassanum at gjalda sakarkostnaðin hjá manninum í Føroya rætti, Eystari landsrætti og í Hægstarætti. 

 
Nýggjastu sendingar í ÚV
Hósdag 21. november
Katrin Sørensen er gestur í Dansivali
101296
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Hósdag 21. november
Bókasin skuldi heldur verið bókarit
101285
Hósdag 21. november
Morgunlesturin hósmorgunin 21. november 2019
101109
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936