Einki loyvi givið ferðafólki at fiska her

12.06.2019 - 12:56
AktueltSamfelag
Einki loyvi givið ferðafólki at fiska her
Fiskiskapur hjá útlendskum ferðafólki kemur ikki undir ásetingina í lógini um sjófeingi um veiðu til húsbrúks, sum lógin annars heimilar
Brimil var í Porkeri leygardagin og tók týsk ferðafólk, sum fiskaðu har.
 

Útlendsk ferðafólk hava einki loyvi fingið at fiska í føroyskum sjógvi.

Fiskiskapur hjá útlendskum ferðafólki kemur ikki undir ásetingina í lógini um sjófeingi um veiðu til húsbrúks, sum lógin annars heimilar.

Høgni Hoydal, landsstýrismaður, hevur svarað Kára P. Højgaard, løgtingsmanni, um fiskiskap hjá útlendskum ferðafólki í Føroyum.

Útlendingar kunnu ikki fiska til húsbrúks í Føroyum. 

Tað er ein serstakur aldagamal rættur hjá føroyingum at gagnnýta okkara egna tilfeingi til egið húsarhald. 

Tað er ikki ein rættur hjá øllum heiminum at fiska í okkara sjógvi, sigur Høgni Hoydal.

Hann sigur, at serstakt loyvi krevst til fiskiskap í sambandi við ferðavinnu. Tað er ásett við lóg, - og einki slíkt loyvi er givið, sigur Høgni Hoydal.

Hann sigur eisini, at Vørn hevur staðfest, at kortini er skipaður ferðavinnufiskiskapur.

Týskarar í Porkeri

Leygardagin var Brimil á Porkeri og tók har fýra bátar við týskum ferðafólki, sum fiskaðu uttan neyðugu loyvini. 

Sambært skiparanum á Brimli greiddu týskararnir frá, at teir skuldu hava fiskin við sær til Týsklands.

Týsku ferðamenninir leiga bátar frá føroyingum, og myndugleikarnir skulu nú eisini taka støðu til, um føroyingarnir skulu sektast fyri teirra lut í fiskiskapinum.

Ein nýggjur táttur í fiskiskapi við Føroyar kom undan kavi, tá Kári P. Højgaard spurdi Høgna Hoydal um fiskiskap hjá útlendskum ferðafólki.

Kári P. Højgaard sigur, at hann í fjør heyst gjørdi landsstýrismannin í fiskivinnumálum varugan við, at hann hevði fingið at vita frá einum suðuroyingi, at útlendingar leigaðu sær bát at rógva út avmarkað tíðarskeið. 

Teir vóru væl útgjørdir, arbeiddu fiskin sjálvir og høvdu fiskin við sær av landinum.
 

 
Nýggjastu sendingar í ÚV
Leygardag 21. september
Morgunlesturin leygarmorgunin 21. september 2019
98628
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Nýggjastu sendingar í SV
Leygardag 21. september
Dreingir U17: Vikingur - HB
99003
Leygardag 21. september
Gentur U15: B36 - KÍ, Eilif Arge steypið
99000
Leygardag 21. september
U21 steypafinala: HB-Skála
98994
Fríggjadag 20. september
U18 Gentur: B36-ÍF/Víkingur/B68
98993
Mánadag 16. september
Móttøka í Tinganesi
98789