Kunnu nú selja rúsdrekka um kvøldið

Handlar kunnu nú eisini taka burtur klæði og veggir, sum hava fjalt rúsandi drykkirnar. 

Stjórin í handilsketuni, Pisiffik, Per Steen Larsen, fegnast um nýggju rúsdrekkalógina. 

- At sølan av rúsdrekka røkkur yvir fleiri tímar ger, at viðskiftafólk okkara fáa betri uppliving í handlinum. Serliga fríggjakvøld og leygardag verður minni panikkur, og stundir eru til, at øll kunnu keypa tað rætta til vikuskfitið, sigur Per Steen Larsen, við Sermitsiaq.

Handlar í Grønlandi hava nú loyvi at selja rúsdrekka mánadag til leygardag frá klokkan 10 á morgni til kl 8 á kvøldi.