Bakkaverjan í Kirkjubø og á Sondum nærkast

30.07.2019 - 12:52
AktueltUmhvørvi
Bakkaverjan í Kirkjubø og á Sondum nærkast
Ein skotskur serfrøðingur, Tom Dawson, fornfrøðingur og leiðandi granskari ger  forkanningar í sambandi við at umvæla bakkaverjuna við fornminnini
Niels Lassen Arge gjørdi bakkaverjuna undir Ólavskirkjuni í 1870, og verndargarðin undir kirkjutoftini Líkhúsi gjørdi Jóannes Patursson í 1945
 

Nú nærkast avgerðini um bakkaverjuna í Kirkjubø.

Ein skotskur serfrøðingur, Tom Dawson, fornfrøðingur og leiðandi granskari á University of St. Andrews í Fife, ger  forkanningar í sambandi við arbeiðið at umvæla bakkaverjuna við fornminnini í Kirkjubø.

Í hesum døgum verða síðstu forkanningarnar gjørdar. Tær skulu vera grundarlagið, tá støða skal takast til, hvør rætta loysnin er, tá fornminnini í Kirkjubø skulu verjast móti sjónum.

Ætlanin er eisini at gera eina verju fyri fornminnini í bakkanum á Sondum á Sandi. 

Komið langt

Tilmæli og kostnaðarmeting verða nú fyrireikað. Tað arbeiðið verður eftir ætlan liðugt í september, upplýsir Mentamálaráðið. Tjóðsavnið og Landsverk fingu Tom Dawson til Føroya.

Saman við Tórshavnar kommunu og Mentamálaráðnum hava teir báðir stovnarnir arbeitt við málinum um bakkaverju í Kirkjubø.

Í ár er ein millión kónur sett av í fíggjarlógini til bakkaverju í Kirkjubø og aðrastaðni. Tann milliónin røkkur til forkanningar, projektering og smávegis umvælingar, sigur Mentamálaráðið.

 
Nýggjastu sendingar í ÚV
Fríggjadag 3. juli
Góðan morgun Føroyar 03.07.2020
110965
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Nýggjastu sendingar í SV
Hósdag 2. juli
Úr savninum: Havið ímillum (2:2)
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743