Ivi um New York-flúgving

Ivi um New York-flúgving
Lítið er hent í málinum, síðani Atlantic Airways kunngjørdi, at tey fóru at flúgva til USA, sigur stjórin í felagnum
Ivasamt er um Atlantic Airways fer at flúgva til New York í heyst, sum kunngjørt varð fyrr í ár
 
06.08.2019 - 12:21

Jóhanna á Bergi, stjóri í Atlantic Airways, sigur, at tey bíða enn eftir ymsum loyvum úr USA, men at tey ikki hava givið upp vónina um, at flúgva til Newark-flogvøllin í New York í heyst.

Umboð úr USA skuldu eisini koma til Føroya í summar at kanna ymisk viðurskifti, men heldur ikki hesi hava verið og gjørt teirra kanningar enn. Tí er nú ivasamt, um Atlantic Airways fer at flúgva til New York í heyst, sum kunngjørt annars varð fyrr í ár. 

Umboð hjá Atlantic Airways fara í næstum til USA í eini roynd at fáa gongd á, men Jóhanna á Bergi viðgongur, at tað kann gerast trupult at halda upprunaligu tíðarætlanina.

Loyvini mugu koma í rættlag skjótt

Onnur flogfeløg, sum hava byrjað rutur til New York, hava verið noydd at brynja seg við toli til øll neyðugu loyvini eru komin, og tað mugu Altantic Airways, og føroyingar sum ynskja at flúgva beinleiðis til New York, helst eisini gera.

Um loyvini ikki koma í rættlag skjótt, verður royndarflúgvingin útsett til í vár, sigur stjórin í Atlantic Airways við Kringvarpið í dag.

Í mai frættist annars, at týdningarmikil loyvi vóru fingin upp á pláss, so at felagið tí kundi halda fram við fyrireikingunum til tess at flúgva til New York. Lítið er tó hent síðani, sigur Jóhanna á Bergi, stjóri í Altantic Airways.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592