Viðgera enn menningarkvotu

22.08.2019 - 13:01
AktueltVinna
Viðgera enn menningarkvotu
Tað gongst striltið at sleppa av við menningarkvoturnar til Sandoynna
Sandoy Seafood í Skopun
 

Thor og Sandoy Sefood hava enn eina ferð biðið um at fáa freistina longda at geva Fiskimálaráðnum endaligt svar um menningarkvotuna. 

Freistin er nú longd til eina ferð í september. Men so verður hon ikki longd meira, sigur Rógvi Reinert, aðalstjóri í Fiskimálaráðnum.

Vørðustiggjur gav Fiskimálaráðnum sína rakstrarætlan 15. august, tá longda freistin hjá umsøkjarunum í Sandoynni fór.

Tann rakstrarætlanin er ikki viðgjørd í Fiskimálaráðnum enn. Umsøkjarar um menningarkvotur í ár fingu svar 2. juli.

Men í øllum umsóknunum var nógv meiri fiskur, enn umsøkjararnir fingu í menningarkvotu.

Nýggja rakstrarætlan

Tí vildi Fiskimálaráðið hava eina nýggja rakstrarætlan frá umsøkjarunum, sum fingu menningarkvotu.

Tann freistin var 14. juli. Men umsøkjararnir í Sandoynni bóðu tá um og fingu longri freist. Hon var til 15. august.

Annars hava umsøkjarar fingið endaligt svar úr Fiskimálaráðnum um menningarkvotu.

Men nú hevur ein av teimum fýra boðað Fiskimálaráðnum frá, at menningarkvotan verður kanska ikki brúkt í ár.

Seks umsøkjarar av teimum 37, sum søktu, fingu menningarkvotu í ár.

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Sunnudag 20. september
Andakt við Kristiani á Reynatrøð
113686
Sunnudag 20. september
Guðstænasta úr Havnar kirkju
113687
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403