Vatnið í Havn er aftur reint

Vatnið í Havn, Hoyvík og pørtum av Argjum hevur verið dálkað við e-koli bakterium og entrikokkum. Tí hevur verið neyðugt hjá fólki í Havn at kóka vatnið.

Í stórum nøgdum kunnu hesar bakteriur vera vandamiklar hjá eldri fólki og pinkubørnum.

Partar av Argjum høvdu tó ikki fyri neyðingi at kóka vatnið, tí tey fáa vatn úr Fransakelduni, sum hon verður nevnd.

Ikki fyrstu ferð

Bakteriur í drekkivatninum er ein afturvendandi trupulleiki, tá summarið fer at halla. 

Nógva regnið dregur skarn frá seyði og fugli við sær, og reinsiverkið klárar ikki at reinsa alt, sigur Tórshavnar kommuna.