Fyrstu læknarnir fluttir inn

Tilsamans fimm kommunulæknar skulu húsast í nýggju viðtaluni. Tríggir læknar vera á ovaru hæddini og tveir í neðra.

Nýggi bygningurin er 1.250 fermetrar til støddar í tveimum hæddum, og 40 parkeringspláss hoyra til.

Leiguavtala gjørd fyri 15 ár

Kommunulæknarnir, sum vera við Kirkjustræti, eru Bjarni Wardum, Turið Holm Johannesen, Amalia Danielsen, Birni Hansen og Guðrun Mortensen.

Nú eru øll 14 kommunulæknastørvini í Tórshavnar kommunu sett, og øll hava nú kommunulækna, segði kommunan fyrr í ár.

Tórshavnar kommuna hevur bundið seg til at leiga bygningin við Kirkjustræti í 15 ár. Mánaðarleigan er 128.000 krónur, tilsamans 23 milliónir krónur tey 15 árini, leiguavtalan er galdandi.