Eitt av stóru málunum undir valstríðnum tykist nú at nærkast eini loysn.

Helgi Abrahamsen, landsstýrismaður í vinnumálum, hevur sett ein arbeiðsbólk, ið skal koma við uppskoti um, hvussu  ferðavinnan kann skipast.

Men í útvarpstíðindunum í gjár upplýsti hann, at einki lógaruppskot verður lagt fyri løgtingið fyrr enn á ólavsøku.

Tí verður uppskotið ikki viðgjørt og samtykt fyrr enn í heyst.

Sostatt fara ferðaskrivstovur, bøndur og onnur í ferðavinnuni gjøgnum eina vertíð aftrat, við ógreiðum viðurskiftum og ymiskum lokalum loysnum. 

Mismunur

Løgtingsins umboðsmaður hevur staðfest, at Tórshavnar kommuna ger mismun, tá grundstykki verða útlutað.

Kommunan hevur seinastu 15 árini noktað borgarum, ið eiga fastogn, at standa á bíðilista til kommunal grundstykki.

Løgtingsins umboðsmaður sigur, at hetta er mismunur, og hevur heitt á kommuna um at broyta reglugerðina.

Annika Olsen, borgarstjóri, verður gestur í sendingini.

Breddin í dag eftir tíðindini klokkan 17.

A