Fólkatalið tvífaldað í Sunda kommunu

Fólkatalið í Sunda kommunu er vaksið dupult so nógv sum fólkkatalið annars í Føroyum.

1.januar vóru 15 ár liðin, síðani seks kommunur í Streymoynni og Eysturoynni løgdu saman í Sunda kommunu.

Tá kommunurnar løgdu saman 1.januar 2005, var fólkatalið 1.557. 

Nú er tað 1.806. Vøksturin er 249 fólk, 16 prosent.

Átta prosent tilsamans

Í øllum landinum er vøksturin hesi árini átta prosent, sigur Sunda kommuna í tíðindaskrivi.

12 bygdir eru í Sunda kommunu.

Í fimm bygdum, teimum smáu, er fólkatalið minkað.

Í Nesvík er fólkatalið minkað 100 prosent, har býr eingin nú, í Saksun er fólkatalið minkað 69 prosent hesi 15 árini, við Gjógv 46 prosent, í Haldarsvík 34 prosent og tað er minkað 32 prosent í Tjørnuvík.