Dani verður kannaður fyri coronavirus

Ein dani verður nú kannaður á universitetssjúkrahúsinum í Aarhus fyri coronavirus. Persónurin er avbyrgdur, váttar sjúkrahúsið fyri danska kringvarpinum.

Viðkomandi var í kinesiska býnum Wuhan, har smittan upprunaliga varð staðfest, í 14 dagar, áðrenn sjúkueyðkenninini gjørdu vart við seg. 

Blóðroyndir verða nú tiknar, og tær verða sendar til Serumstovnin í Keypmannahavn, sum kann staðfesta, um persónurin er smittaður ella ikki.