- Tíðindi, mentan og ítróttur
Dani var ikki smittaður
Dani var ikki smittaður
Danski maðurin, sum í gjár varð innlagdur, tí illgruni var um, at hann hevði coronavirus, er ikki smittaður við coronavirusinum kortini
29.01.2020 - 07:34
Tað upplýsti Sundhedsstyrelsen í tíðindaskrivi í gjárkvøldið. Luftleiðirnar hjá manninum vórðu kannaðar, og tað vísti, at hann ikki var smittaður við coronavirusinum.
Maðurin, sum varð innlagdur á sjúkrahús í Aarhus, var komin úr Hubei-landslutinum í Kina sunnudagin, visti Sundhedsstyrelsen at siga.
>> SÍ EISINI Dani verður kannaður fyri coronavirus
Leiðarin í Sundhedsstyrelsen segði, at mistonkti tilburðurin ikki broytti uppá yvirskipaðu metingina; at tað er lítið sannlíkt, at coronavirusið spjaðist í Danmark.
Somuleiðis segði Shain Gaini, serlækni í infektiónsmedisini í Degi og Viku í gjárkvøldið, at tað er lítið sannlíkt, at virusið fer at koma til Føroya, men hóttanin verður hóast tað tikin í álvara.
Nýggjastu sendingar í ÚV
Nýggjastu sendingar í SV