Jenny heldur fram sum stjóri á Tjóðpallinum

14.02.2020 - 15:25
AktueltSamfelag
Jenny heldur fram sum stjóri á Tjóðpallinum
Jenny C. Petersen hevur verið stjóri í 15 ár, og fer nú undir sítt fjórða skeið
 

Jenny C. Petersen heldur fram sum stjóri á Tjóðpalli Føroya.

Leiklistaráðið hevur einmælt samtykt at seta Jenny C. Petersen sum stjóra á Tjóðpalli Føroya í fimm ár aftrat.

Jenny C. Petersen hevur drúgvar royndir sum stjóri á Tjóðpallinum, har hon hevur sitið í 15 ár, og hon hevur eitt breitt innlit og tiltknýti til mentanarliga økið, umframt royndir og førleikar innan yrkisleiklistaliga økið, umsiting og framleiðslu av leikum, sigur Leiklistaráðið.

Jenny C. Petersen hevur seinastu mongu árini eisini áhaldandi víst á úrslit á høgum listarligum støði, hevur megnað at seta á pall upprunaføroysk handrit og hevur verið við til at tryggja breið samstørv innan listarliga økið, sigur Leiklistaráðið.

15 umsøkjarar vóru til starvið.

Ein av størstu uppgávunum hjá stjóranum næstu fimm árini, verður tilgongdin at byggja nýtt Tjóðleikhús.

Í hesi tilgongdini er týdningarmikið, at stjórin hevur fingurin á pulsinum bæði politiskt og listarliga, og at stjórin somuleiðis tryggjar, at føroyski áskoðarin eisini hevur atgongd til dygdargóða list, sigur Leiklistaráðið.

 
Nýggjastu sendingar í ÚV
Mánadag 3. august
Umhvørvið og eg - klæðir
111635
Sunnudag 2. august
Frá stríðsárunum (5:15)
110845
Sunnudag 2. august
Samfelagsmøti hjá Brøðrasamkomuni
111922
Nýggjastu sendingar í SV
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807