- Tíðindi, mentan og ítróttur
Einki sorgarfarloyvi, tí aðrar skipanir lofta
Einki sorgarfarloyvi, tí aðrar skipanir lofta
Ætlanin er ikki at gera serstaka skipan á arbeiðsmarknaðinum, sum endurrindar foreldrum lønarmissin, tí barn teirra er deytt
Skipanir eru longu, sum lofta syrgjandi foreldrum, tá barn teirra doyr. Tí er ikki neyðugt at gera nýggja skipan, sigur Helgi Abrahamsen, landsstýrismaður
15.02.2020 - 10:11
Tað sigur Helgi Abrahamsen, landsstýrismaður, sum hevur svarað spurningi frá Djóna Nolsøe Joensen, løgtingsmanni, um sorgarfarloyvi.
Helgi Abrahamsen sigur millum annað, at aðrar skipanir - starvsmannalógin, sáttmálar á arbeiðsmarknaðinum og dagpengaskipanin - longu lofta syrgjandi foreldrum.
Tí er ikki brúk fyri einari skipan afturat.
Helgi Abrahamsen heldur ikki, at foreldur, sum missa barn, eiga at fara í Barsilsskipanina og fáa pengar haðani.
Hann sigur tó, at ætlanin er at broyta barsilslógina, so at greið heimild fæst fyri at lata foreldrum pengar, tá barnið antin er deyðføtt ella doyr í barsilsfarloyvistíðarskeiðinum, sum er 48 vikur.
Er kopiera
Nýggjastu sendingar í ÚV
Nýggjastu sendingar í SV
