Frítíðarskúli í Kvinnufelagshúsinum

Runavík kommuna ætlar at brúka 580.000 kr. til at umvæla Kvinnufelagshúsið til frítíðarskúla.

Húsið skal umvælast fyri at fáa millum annað brunagóðkenning. 

Ætlanin er at hava frítíðarskúla í kvinnufelagshúsinum eftir summarfrítíðina.

110 børn vera í frítíðarskúlanum næsta skúlaár. Og tá eru hølini við Stórá í Rituvík ov lítil.

Tí er ætlanin eisini at brúka Kvinnufelagshúsið á Glyvrum til børn í øðrum flokki.