Tríggir corona-tilburðir í Íslandi

Tríggir persónar í Íslandi eru nú smittaðir við coronavirusinum og eru avbyrgdir.

Teir tríggir persónarnir hava allir verið og ferðast í Norðuritalia, siga íslendsku heilsumyndugleikarnir. 

Fyrsti tilburðurin varð staðfestur fríggjadagin og hinir báðir í gjár, skrivar Reuters. 

Ein 50 ára gamal maður fekk staðfest smittuna, COVID-19, í gjár. Hann hevði mild sjúkueyðkenni.

Tey 180 ferðafólkini, sum komu heim við sama flogfarið hava fingið boð um at verða avbyrgd heima við hús.

Tey boðini hava øll onnur, sum eru komin til Íslands úr Italia síðan leygardagin, eisini fingið.