Arbeiðsloysið í fjør var 0,9 prosent

Arbeiðsloysið í Føroyum var 0,9 prosent, tá árið 2019 endaði. Í desember 2019 var skrásetta arbeiðsloysið 0,9 prosent.

Og tað hevur verið 0,9 prosent síðani í september. Í november var tað niðri á 0,8 prosentum.

267 fólk vóru arbeiðsleys í desember, vísa tøl hjá Hagstovuni. Í desember í fjør høvdu 13,5 prosent av teimum arbeiðsleysu verið uttan arbeiði í eitt ár ella meira.

Í desember 2018 var arbeiðsloysið 1,3 prosent. Tá vóru 365 fólk arbeiðsleys.  

Størsta arbeiðsloysið er sunnan fyri Skopunarfjørð, 1,7 prosent í Suðuroynni og 1,3 prosent í Sandoynni. Minsta arbeiðsloysið er í Eysturoynni, 0,5 prosent.

Á heimasíðuni hjá ALS eru beint nú 88 starvslýsingar.