- Tíðindi, mentan og ítróttur
Ungmannafelagið Sólarmagn 125 ár
Ungmannafelagið Sólarmagn 125 ár
Sólarmagn er elsta ungmannafelag í Føroyum
Mynd: Niels Jacob Kjærbæk Pedersen
10.03.2020 - 10:45
Ungmannafelagið Sólarmagn varð stovnað 10. mars 1895. Tað vóru systkinabørnini Sverre Patursson í Kirkjubø og Jóannes Dalsgaard Uppi í Stovu á Velbastað, sum tóku stig til at stovna felagið. Felagið varð stovnað í Kirkjubø og varð tí fyrst kallað Kirkjubøar Kjakfelag.
Morgunsendingin hitti formannin, John Dalsgarð, í nýumvældu felagshúsunum á Velbastað. Hoyr samrøðuna her:
1356503
Tá felagið varð stovnað í Kirkjubø fyri 125 árum síðan var endamálið, sum tað sæst í sjálvum navninum hjá felagnum, at vera kjakfelag. Á hvørjum fundi skuldi veljast orðstýrari, at velja evni at tosa um á næsta fundi.
Nú felagið verður 125 ár í ár, arbeiðir nevndin við at leggja eina skrá við ymiskum tiltøkum, sum ætlanin er at hava seinni í ár. Eitt nú verður skipað fyri veitslu fyri øllum limum og øðrum innbodnum í heyst. Harumframt verða limafundir við ymiskum evnum á skránni
Í nevndini fyri Sólarmagn eru í dag John Dalsgarð, formaður, Teitur Heindriksson, næstformaður, Eyðfinnur í Búðini, skattmeistari, Tóki Dalsgarð, skrivari, og Dánjal Petur Jensen. Tiltakslimir eru Hjørdis Heindriksdóttir og Eliesar Rubeksen.
John Dalsgarð, formaður í Sólarmagn
Mynd: Niels Jacob Kjærbæk Pedersen
Er kopiera
Nýggjastu sendingar í ÚV
Nýggjastu sendingar í SV
