Tá jødarnir krógvaðu seg á kirkjuloftinum

Fuglfirðingurin Jógvan Julius Joensen, sum frá ungum árum búði í Gilleleje, upplivdi sjálvur víðagitnu hendingina, tá jødar krógvaðu seg á loftinum í Gilleleje kirkju

Hjúnini Ada og Jógvan Julius Joensen vóru nærmastu grannar við Gilleleje kirkju, har 60-80 jødar krógvaðu seg á kirkjuloftinum. Fuglfirðingurin Jógvan Julius var eisini virkin í mótstøðurørsluni í Gilleleje undir krígnum

Mynd: Páll Joensen

Tórður Mikkelsen

28.09.2026 - 18:10

Millum 60 og 80 danskir jødar, sum ikki sluppu við bátum yvir um Oyrasund til Svøríkis, krógvaðu seg á loftinum í Gilleleje kirkju, tí dagin eftir skuldu teir sleppa við báti. Men um náttina 7. oktober 1943 umringaði Gestapo kirkjuna og fann jødarnar og fór avstað við teimum.

Jógvan Julius Joensen var millum tey fáu lokalu, sum upplivdu hesa hending, og hon fylti nógv hjá honum. Hann var annars við í mótstøðurørsluni og, eins og nógv onnur í Gilleleje, hjálpti hann jødunum at sleppa við bátum yvir til Svøríkis

Hann giftist undur við Adu Andersen úr Gilleleje, og tey fingu fimm børn.

Jógvan Julius var avskorin frá Føroyum alt kríggið. Hann sigur, at hann royndi fleiri ferðir at skriva bræv, men hoyrdi einki aftur. Sjálvur smuglaði hann nøkur brøv við fólki til Svøríkis, sum var uttanveltað. Annars høvdu Føroyar ógviliga nógv at siga fyri hann, og hann vitjaði ofta aftur í Føroyum - seinastu ferð tá hann var 90 ára gamal.

1835034