- Tíðindi, mentan og ítróttur
Tók lýsing um munn- og nasarmasku aftur
Tók lýsing um munn- og nasarmasku aftur
Brúkaraumboðið heitti á handilin um at vera varin við orðingum, sum kunnu ræða
![](https://kvf.fo/sites/default/files/styles/grein-ovasta-mynd/public/skaermbillede_2020-03-20_kl._08.18.15.png?itok=qA9BY-Ki)
Myndin er tilvildarlig
20.03.2020 - 08:20
Ein handil, sum lýsti við munn- og nasarmasku, sum var góðkend sum verja fyri koronavirusi, hevur tikið lýsingina aftur.
Tað hevur handilin gjørt, eftir at Brúkaraumboðið gjørdi vart við, at handilin kundi ikki prógva, at maskan er góðkend.
Í lýsingini varð eisini sagt, at fólk skuldu keypa maskuna áðrenn grannin.
Brúkaraumboðið heitti á handilin um at vera varin við orðingum, sum kunnu ræða.
Lýsingin kann skiljast, sum munn- og nasarmaskur verja privatfólk móti smittu, men Brúkaraumboðið vísir á, at almennu heilsumyndugleikarnir ikki mæla vanligum fólki til at brúka munn- og nasarmasku.
Brúkaraumboðið ger ikki meira við hetta málið, tí lýsingin er tikin aftur.
Nýggjastu sendingar í ÚV
Nýggjastu sendingar í SV