Frítíð skal haldast fyri 1. mai

Fólk hjá tí almenna kunnu ikki flyta frítíðina, sum tey eiga í hesum frítíðarárinum, til næsta ár.

Hon skal haldast í ár, og tað er fyri 1.mai, tá frítíðarárið endar.

Bara fólk, sum eru við í koronatílbúgvingini, kunnu fáa frítíðina flutta, hevur Lønardeildin boðað aðalráðunum frá.

Onnur missa frítíðina, tey eiga eftir, verður hon ikki hildin fyri 1.mai. 

Og sætta frítíðarvikan, sum fólk síðani 2003 hava kunnað fingið útgoldna í staðin fyri at halda frí, verður bara goldin, um avtala um tað er gjørd fyri 2.mai í fjør. Tað hevur altíð verið meginreglan.

Men tey, sum eiga sættu vikuna eftir, kunnu halda hana fyri 1.mai.