Tveir nýggir tilburðir av korona

Tað eru nú í alt 169 føroyingar, ið hava fingið staðfest koronasmittuna. Hetta byggir á í alt 4065 kanningarúrslit. Úrslitið fyri seks kanningar, ið vórðu gjørdar í gjár, verða greinað seinni í dag.

Trý fólk eru nú innløgd á sjúkrahús.

Tað upplýsir Landslæknin í morgun.

Eftir at uppgerðin í gjáramorgunin varð almannakunngjørd, var komið eftir, at 167 og ikki 168 persónar høvdu fingið staðfest smittuna.

Sostatt eru tveir persónar staðfestir smittaðir afturat seinasta samdøgrið.