1,3 milliónir brúktar at hýsa fólki í sóttarhaldi

bannari
1,3 milliónir brúktar at hýsa fólki í sóttarhaldi
Heilsumálaráðið hevur higartil brúkt 1,3 milliónir krónur til at hýsa fólki í sóttarhaldi. Partur av pengunum er farin til høli, sum standa tóm.
Mynd: Bjarni Árting Rubeksen  
 
02.04.2020 - 19:34

Enn eru ongar rokningar avgreiddar, men ein leystlig gjøgnumgongd av skjølunum í málinum vísir, at í rundum tølum eru higartil brúktar 700.000 krónur til at hýsa fólki á Hotel Vágum. Smáar 400.000 krónur eru brúktar til at hýsa fólki á Rúnarlon, sum liggur við Hotel Føroyar í Havn. Og so eru 200.000 krónur brúktar til at hýsa fólki á Hotel Øravík í Suðri. 

Tilsamans 1,3 milliónir krónur, ið tó skulu takast við fyrivarni, tí enn er einki gjørt upp.

Meðan tey bæði fyrru leigumálini - Hotel Vágar og Rúnarlon - eru dúgliga brúkt - so hevur higartil eingin sitið í sóttarhaldi á Hotel Øravík, sum Heilsmálaráðið hevur leigað síðani 13. mars. Hotell Øravík varð leigað, fyribils allan mars mánaða, men tað leigumálið heldur ikki fram.

Umframt hesi trý tilboð hevur Heilsumálaráðið eina røð av tilboðum kring alt landið, til at taka - tó uttan at ítøkilig avtala er gjørt um nakað.

Herfyri vórðu 2,3 milliónir krónur játtaðar við fíggjarnevndarskjali til smittufyribyrjandi tiltøk. Av hesum skulu 1,7 millión brúkast til gisting og vistarhald, meðan restin skal brúkast til organisering, serfrøði, flutning og annað. 

Kaj Leo Holm Johannesen, landsstýrismaður í heilsumálum, sigur at almenna tilboðið um sóttarhald stendur við, so leingi tørvur er á tí, í mun til smittu spjaðingina. 

Landsstýrismaðurin ásannar, at fíggjarnevndarskjalið frá 11.mars er bara tað fyrsta av fleiri, tí tilbúgvingarparturin í samband við korona-smittuna fer at kosta nógvar milliónir krónur.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584