Kappróðurin avlýstur í ár

Heldur eingin kappróður verður í ár. Róðrarsambandið hevur avgjørt, at skipað verður ikki fyri FM kappróðri í ár. 

Hetta fingu kappróðrarfeløgini at vita í gjárkvøldið. Tey taka undir við avgerðini, sigur Róðrarsambandið.

Kann ikki rógvast uppá tryggan hátt

Uppskot var annars gjørt um venjing og kappingar, men Koronuráðgevingin heldur ikki, at tað ber til at rógva kapp á tryggan hátt í hesum koronutíðum. 

Fjarstøðan millum bekkirnar er ov stutt, og andingin hjá rógvarunum stór og kraftmikil. Hetta ger, at eitt felags útandingarsirm vil liggja um bátin, so allir rógvarar eru í smittuvanda. 

Mett verður ikki, at møguleikar eru fyri verndarátøkum so sum maskur og handskar. Koronuráðgevingin mælir tí frá at rógva kapp í ár, sigur Róðrarsambandið, sum eisini mælir frá, at vant verður í bátunum.