Umskipa fisk í Vestmanna

Russiska skipið, Arctica, er komið á Vestmanna við fiski, sum skal umskipast umborð á farmaskipið Samskip Glacier.

Talan er um eina roynd við umskiping. 

Vestmanna bygdarráð hevur ikki samtykt at fara undir hetta virksemi. Men áðrenn støða verður tikin til virksemi av hesum slag, skal kannast, um tað yvirhøvur ber til, og um kommunan vil hava hetta slagið av virksemi á havnarlagnum.

Keiøkið, har skipini liggja, er avbyrgt, soleiðis at bara fólk við serligum loyvi sleppa umborð á skipini. Og manningin sleppur heldur ikki í land uttan heilt serligt loyvi, orsakað av støðuni við koronu. 

Arbeiðið at umskipa fiskin fer at taka einar fimm dagar, skrivar Vestmanna kommuna.