Norwegian er bjargað

Norska lágprísfelagið Norwegian er bjargaði undan húsagangi, tí fyri løtu síðani varð ein bjargingarætlan samtykt á eykaaðalfundi í felagnum. 

Bjargingarætlanin, sum fýra teir størstu lánsveitararnir høvdu góðkent undan eykaaðalfundinum, hevur millum annað við sær, at partar av lánum hjá Norwegian verða umløgd til partabrøv í felagnum. Tað gevur felagnum størri eginogn, sum er ein fortreyt fyri, at norski staturin vil geva felagnum fíggjarligan stuðul. Og tað er hendan bjargingarætlan, sum varð samtykt á eykaaðalfundinum, skrivar dr.dk. 

1,8 mia. kr. í kreppuhjálp

Hendan samtykt hevur við sær, at norski staturin helst fer at lata felagnum stívliga 1,8 milliardir danskar krónur í kreppuhjálp. Og tað fer at halda Norwegian oman fyri fíggjarligu vatnskorpuna árið út, skrivar danska kringvarpið. 

Norwegian hevur leingi havt fíggjarliga skert flog. Hálvan mars boðaði felagið frá, at 7.300 av tilsamans 11.000 starvsfólkum eru søgd úr starvi, og samstundis gavst felagið við 85 prosent av allari flúgving.

Ein mánað seinni fóru fýra dótturfeløg hjá Norwegian á húsagang. Og nú stríðist sjálvt móðirfelagið fyri at hóra undan.