Úrslitið setti met í fjør

Úrslitið hjá Smyril Line í fjør setti met. Avlopið hjá samtakinum var 75 milliónir krónur. Men hóast góða úrslitið, rindar Smyril Line einki vinningsbýti fyri 2019.

Samlaða sølan hjá samtakinum fyri árið 2019 var 937 milliónir krónur. Árið fyri var hon 845 milliónir krónur. Gjaldførið hjá samtakinum við ársenda í 2019 var 167 milliónir krónur.

Árið fyri var gjaldførið 101 millión krónur. Eginpeningurin í Smyril Line er 348 milliónir krónur. Umleið 475 fólk starvast í Smyril Line-samtakinum.