Breddin: Korona og lønarsáttmálar

Fakfeløgini skulu vísa hógv í lønarsamráðingunum, sigur landstýrismaðurin í fíggjarmálum.

Jørgen Niclasen hevur heitt á Starvsmannafelagið um at strika lønarhækkingina 1. oktober.

Malan Johansen, landsbankastjóri, sigur, at støðan er broytt, men hon er ikki so svartskygd. Samrøða verður við landsbankastjóran í Breddanum.

Lønargjaldingar og skattur

Lønargjaldingarnar og skattainntøkurnar vaksa enn, men í havsbrúnni hómast eitt arbeiðsloysi, sum serliga  fer at raka umleið 1400 fólk, sigur ferðavinnufelagið.

Í Breddanum í dag seta vit sjóneykuna á partar av føroyska búskapinum, og kjakast verður, um hetta er rætta løtan at hækka lønirnar.

Í kjakinum verða Beinta Løwe, løgtingskvinna í Tjóðveldi, Aksel V. Johannesen, formaður í Javnaðarflokkinum, Magnus Rasmussen, formaður í fíggjarnevndini, og Christian Andreasen, formaður í Fólkaflokkinum á tingi

Breddin í útvarpinum í dag, klokkan fimm minuttir yvir fimm!