Útflutningurin minkaði 100 milliónir í mars

Virðið á útflutninginum í mars var 100 milliónir krónur minni enn í mars í fjør. 

Tað boðar Hagstovan frá í dag. 

Tað er serliga fiskaútflutningurin, ið er minkaður. Tilsamans minkaði fiskavøruútflutningurin 50 millióinir krónur, sum er átta prosent.

Og tað er serliga til kinesiska marknaðin, at føroyingar útflyta minni. 

Fyrsta ársfjórðing minkaði útflutningurin til Kina 65 prosent, ella 164 milliónir krónur, samanborið við sama tíðarskeið í fjør.

Tilsamans er útflutningurin fyrsta ársfjórðing sjey prosent, ella 164 milliónir krónur minni,  enn fyrsta ársfjórðing í fjør.