Eik í Danmark: Hægstirættur dømir um ein mánað

22.05.2020 - 11:30
AktueltSamfelag
Eik í Danmark: Hægstirættur dømir um ein mánað
Í landsrættinum tódnaði endurgjaldskravið niður í 28,6 mió. kr., men Fíggjarligt støðufesti krevur framvegis 250 mió. kr. í endurgjaldi
Málið um Eik í Danmark endaði í Hægstarætti, sum fellur dóm um ein mánað
 

Málið um Eik Bank Danmark, dótturfelagið hjá Eik Banka í Føroyum, hevur seinastu tvær vikurnar verið í Hægstarætti.

Seinasti rættarfundurin var týsdagin 19. mai, og nú verður bíðað eftir dómi.

Fíggjarligt støðufesti stevndi teimum seks oddamonnunum í Eik-leiðsluni eftir endurgjaldi.

Kravdu 250 mió. kr.

Upprunaliga kravið frá Fíggjarligum støðufesti var, at staturin skuldi fáa 250 milliónir krónur í endurgjaldi fyri tap, tí bankin sum heild varð rikin á skilaleysan hátt, og at leiðslan sjálv hevði ikki hildið sínar skyldur í seks stórum fíggingarmálum.

Endurgjaldið tódnaði tó niður í 28,6 milliónir krónur, tá Eystari landsrættur feldi dóm í oktober 2018, umframt at tveir av teimum stevndu vórðu fríkendir. 

Eystari landsrættur tók ikki undir við kravinum um “generelt óforsvarlig viðurskifti”, og fríkendi leiðsluna fyri tað.

Landsrætturin fríkendi eisini nevndina í fimm av teimum seks kundaviðskiftunum, meðan nevnd og stjórn vórðu dømd at gjalda 28,6 mió. kr. í endurgjaldi. 

Harumframt helt rætturin, at stjórnin kundi verið ábyrgdað fyri part av tí eina málinum, men at málið var fyrnað. 

Í Hægstarætt

Teir fýra, sum vórðu dømdir í Eystari landsrætti, skutu dómin inn fyri Hægstarætt 7. november 2018, og teir kravdu frídøming.

Fíggjarligt støðufesti kærdi seinni eisini dómin til Hægstarætt við teimum seks Eikmonnunum - eisini teimum báðum, sum vórðu frídømdir í Eystara landsrætti. Sakarkravið er framvegis 250 mió. kr.

Málið hevur nú verið viðgjørt í Hægstarætti í tvær vikur, og dómur fellur í málinum um ein mánað, 22. juni kl.11, føroyska tíð.
 

 
Nýggjastu sendingar í ÚV
Mánadag 25. januar
Góðan morgun Føroyar 25.01.2021
119370
Sunnudag 24. januar
Meg minnist: Pætur Rasmussen (3:4)
118903
Sunnudag 24. januar
Guðstænasta í Kvívíkar kirkju
119347
Nýggjastu sendingar í SV
Sunnudag 24. januar
Andakt við Frank Jacobsen
119359
Sunnudag 24. januar
Guðstænasta í Kvívíkar kirkju
119351
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181