Grønland ætlar at læna 2,5 mia. kr.

Grønland er til reiðar at læna 2,5 milliardir krónur.

Avleiðingarnar av koronu leggja eitt stórt trýst á grønlenska búskapin. 

Grønlendska fiskivinnan er eisini undir stórum trýsti, tí fiskað verður ikki burðardygt.

Tað sigur danski miðilin, Altinget. 

Korona ger støðuna verri

Torben M. Andersen, sum er formaður í grønlendska búskaparráðnum, sigur við Altinget, at hetta er ein álvarslig støða. 

Og korona hevur gjørt støðuna verri. Grønlendski landskassin er ávirkaður av koronu, og fær minni inn í skatti og avgjøldum - samstundis sum fleiri útreiðslur hækka. Tað elvir til gjaldføristrupulleikar.

Grønlenska landsstýrið hevur kunngjørt, at tað er til reiðar at læna 2,5 milliardir krónur fyri at tryggja gjaldførið, verður tað neyðugt.

Grønlendska búskaparráðið kunnger nýggja frágreiðing um búskapin fyrst í juni.