Vága floghavn sigur fólk úr starvi

Vága floghavn hevur sagt fólk úr starvi í dag.

Tað skrivar heimasíðan jn.fo.

Birita Sandberg Samuelsen, forkvinna í nevndini hjá partafelagnum Vága floghavn, váttar fyri Útvarpinum, at uppsagnir eru.

Men meira vil hon ikki siga fyrr enn seinnapartin, tá eitt tíðindaskriv eisini kemur.

Fóru niður í løn

23.mars segði Vága floghavn í tíðindaskrivi, at "seinastu dagarnar hava vit viðgjørt viðurskiftini, og tað er púra greitt, at fyri at tryggja fíggjarliga grundarlagið hjá Vága floghavn er neyðugt at laga virksemið til støðuna," segði Regin Hammer, sum tá var nevndarformaður í Vága floghavn. 

Øll starvsfólkini fóru niður í tíð og eisini niður í løn.Tey fóru í lønarískoytisskipanini hjá Als.

Kreppuátøkini tá fevndu eisini um leiðslu felagsins, sum fór niður í løn, uttan tó at fara niður í arbeiðstíð. 

Nevnd felagsins segði frá sær samsýningina fyri mars og apríl.