Nýggjur kommunustjóri í Fuglafirði

Henrik Weihe Joensen er settur í starvið sum kommunustjóri í Fuglafjarðar kommu.

Henrik Weihe Joensen er 51 ára gamal, útbúgvin politistur og løgfrøðingur. Hann hevur eisini tikið masterútbúgving í almennari leiðslu. 

Henrik Weihe Joensen hevur leiðsluroyndir sum stjóri á Tilbúgvingarstovninum, virkandi stjóri í MRCC/Tórshavnradio og sum kommunustjóri á Tvøroyri. Hann hevur eisini verið fulltrúi hjá Løgtingsins umboðsmanni og ráðgevi í Fiskimálaráðnum.

Henrik Weihe Joensen byrjar í starvinum sum kommunustjóri í Fuglafirði tann 1. september.