Nógv færri skeivleikar við grannskoðara

Sjey partafeløg hava fingið bræv frá Skrásetingini, sum hevur kannað 35 ársfrásagnir fyri 2018.

Skrásetingin ger slíkar stakroyndir hvørt ár.

Av teimum 35 ársfrásagnunum, sum blivu kannaðar í fjør, høvdu 19 grannskoðaraátekning og 16 vóru uttan grannskoðaraátekning.

Í sambandi við kanningarnar hevur Skrásetingin skrásett trý ólóglig partaeigaralán, tvey mál um grannskoðarviðurskifti og níggju roknskapir vóru skeivt uppsettir.  

11 prosent av roknskapunum við grannskoðaraátekning vóru skeivir og 44 prosent av teimum, sum ikki høvdu grannskoðaraátekning.

Umframt stakroyndirnar hevur Skrásetingin í sambandi við móttøkueftirlitið við ársfrásagnum, sum eru móttiknar í 2019, stovnað 12 mál.

Tann 31.desember 2018 vóru 3.130 feløg skrásett í partafelagsskránni hjá Skráseting Føroya.