Ísland á fyrsta plássi viðvíkjandi barnarættindum

Ísland á fyrsta plássi viðvíkjandi barnarættindum
Annað árið á rað stendur Ísland ovast á listanum yvir lond, har rættindi hjá børnum er best tryggjað
Mynd: Bjarni Árting Rubeksen  
 
02.06.2020 - 07:56

Tað vísur yvirlit í ársfrágreiðingini hjá altjóða felagsskapinum, KidsRights.

Árliga yvirlitið mátar, hvussu rættindi hjá børnum verða vird kring allan heim, og í hvønn mun lond halda sína skyldu at bøta um rættindini hjá børnum. 

Yvirlitið fevnir um øll ST-lond, har ST-samtyktin um barnarættindi er galdandi, og har nóg mikið av upplýsingum um hetta eru tøkar. 

Talan er um 182 lond.

Í 2018 var Noreg nummar eitt og Ísland nummar 2. Í ár er Ísland nummar 1, Sveis nr. 2 og Finnland nr. 3. 

Danmark er á 10-inda plássi.

Niðast á listanum í ár eru Tjad, Afganistan og Sierra Leone.

Londini fáa karakter á fimm økjum, - heilsuverk, lív, útbúgving, verja og barnarættindi.

Sambært Marc Dullaert, sum hevur stovnað KidsRights, verða rættindini hjá børnum skerd av álvara kring allan heim orsakað av Covid-19-farsóttini.

Millum annað ger stongsilin í samfelagnum, at meiri harðskapur verður framdur heima við hús, og hetta hevur serliga havt ávirkan á gentur, stendur í frágreiðingini frá KidsRights.

Yvirlitið vísur eisini, at munur verður gjørdur á børnum, - serliga gentum, og tað er ein trupulleiki kring allan heim.

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652