Breddin: Verjugarðurin og stríðið um ALS

- Tað er sera týdningarmikið, at ein verjugarður verður gjørdur um okkara sjúku, eldru og veiku borgarar, ið eru millum tey sárbærastu, tá ið ræður um COVID-19.

Tað var boðskapurin hjá landsstýrinum, tá nýggjar leiðreglur fyri ferðandi vórðu kunngjørdar í farnu viku.

Í boðskapinum verður ásannað, at tað økir um smittuvandan, nú landamørkini verða latin upp, og tí er neyðugt at verja tey veikastu.

Men nú landamørkini eru latin upp, spyrja kommunurnar, hvat er vorðið av verjugarðinum.

Stríðið um ALS

Undir orðaskiftinum á tingi í gjár um at geva landsstýrismanninum í vinnumálum heimild at leingja fyribils lønarískoytisskipanina hjá ALS, bendi nógv á, at undirtøka er í tinginum fyri hesi heimild, hóast bæði ALS-stýrið og landsstýrismaðurin eru ímóti.

Tí verður spurningurin aktuellur, hvør hevur ræðið á ALS-grunninum,  ALS-stýrið ella landsstýrið?

Helgi Abrahamsen, landsstýrismaður, og tingfólk koma í útvarpsstovuna at kjakast um málið.