Tíggju menn hava søkt starvið

Tíggju umsóknir eru til stjórastarvið í Vinnuháskúlunum.

Allir umsøkjararnir eru menn.

Starvið bleiv leyst, tá Mentamálaráðið fyri einum mánaði síðani gjørdi avtalu við stjóran í Vinnuháskúlanum, Wilhelm Petersen, um, at hann fór frá sum stjóri alt fyri eitt, og heldur fram sum lærari á Vinnuháskúlanum frá næsta skúlaári. 

Miðað verður eftir at seta nýggja stjóran í hesum mánaðinum, sigur Poul Geert Hansen, aðalstjóri í Mentamálaráðnum.

Stjóri síðani 2013

Wilhelm Petersen var stjóri í Vinnuháskúlanum síðani í desember 2013.

Símun Poulsen er virkandi stjóri á Vinnuháskúlanum.

45 starvsfólk eru í Vinnuháskúlanum, og har eru millum 250 til 270 næmingar.