23 koronatilburðir umborð á russiskum skipi

bannari
23 koronatilburðir umborð á russiskum skipi
- Ongin av manningini hevur verið í landi, sigur landslæknin
 
25.07.2020 - 18:15

23 av teimum sum vóru kannaðir fyri koronu, umborð á russiska skipinum Karelia, hava koronasmittuna.

Tað sigur Lars Fodgaard Møller, landslækni, í dag.

Bert 30 av manningini, sum telur 77, vóru kannað fyri koronasmittu, men av teimum høvdu 23 smittuna.

Lars Fodgaard Møller leggur tó dent á, at ongin av manningini av Kareliu hevur verið í landi í Føroyum. Hetta er eisini eftir strongum boðum frá reiðarínum.

Fyrradagin var ein av manningini umborð á Kareliu innlagdur á Klaksvíkar Sjúkrahús, við lungnabruna. Hetta vísti seg tó í gjár at vera koronusmitta, og tá varð persónurin fluttur á Landssjúkrahúsið. Í gjárkvøldið varð ein av manningin aftrat innlagdur á koronudeildina á Landssjúkrahúsinum

Í gjár vórðu kanningar gjørdar av einum parti av manningini, og hon vísir sostatt, at 23 av teimum 30 kannaðu, høvdu koronasmittuna.

Nýggjastu koronuhagtølini vísa sostatt, at tað nú eru 214 fólk smittað við koronu í Føroyum. Tá er smittaða manningin umborð á Kareliu tald við. Tilsamans eru 32.453 kanningar gjørdar, 188 fólk eru vorðin frísk aftur og tvey eru innløgd á koronudeildini á Landssjúkrahúsinum.

Er kopiera
Nýggjastu sendingar í ÚV
Mánadag 24. juni
Biltúrurin 2: Koyrt verður í Sumba
176599
Mánadag 24. juni
Áki flúktaði KÍ úr FM stríðnum
177176
Mánadag 24. juni
Søgan um Hank Williams (2:8)
176855
Mánadag 24. juni
EM-tíðindi: 24. juni
177168
Mánadag 24. juni
Morgunlestur mánadagur 24. juni 2024
177126
Nýggjastu sendingar í SV
Leygardag 22. juni
Video: 5mf kvinnur, Jóansøka 2024
177125
Leygardag 22. juni
Video: 10mf, Jóansøka 2024
177123
Leygardag 22. juni
Video: 6mf_menn, Jóansøka 2024
177120