WHO manglar pening

Samstundis sum yvir 20 milliónir fólk kring heimin nú hava fongið koronavirus, staðfestir heimsheilsustovnurin, WHO, at stovnurin ikki hevur pengar til sítt virksemi.

Stovnurin bert hevur fingið ein tíggjundapart av peninginum, sum heimsins lond lovaðu at lata, í stríðnum ímóti koronu.

Aðalskrivarin í WHO, Tedros Adhanon Ghebreysus, sigur, at pengarnir, sum heimsheilsustovnurin manglar, bara er ein dropi í havinum í mun til pengarnar, sum stjórnir kring heimin hava nýtt til at bjarga egnum búskapi.

Næstu tríggir mánaðirnir avgerandi

Ghebreysus leggur dent á, at næstu tríggir mánaðirnir kunnu vera avgerandi fyri, hvussu stríðið ímóti virusinum fer at eydnast, og neyðugt er við fleiri pengum, um tað skal eydnast.

Hann vísir á, at bara til heilivágin hevur WHO tørv á 100 milliardum dollarum. men tað er ongantíð ov seint at venda gongdini, sigur hann við Reuters.

Yvir 20 milliónir fólk eru smittað av koronu kring heimin, 12,2 milliónir fólk eru frísk aftur og 734.000 fólk eru higartil deyð av sjúkuni, vísa nýggj tøl.