Hon verður varaforsetavalevni hjá Biden

Hon verður varaforsetavalevni hjá Biden
Kamala Harris er fyrsta litta kvinnan, ið er vald sum varaforsetavalevni í USA
Í hesari savnsmyndini frá september 2019 heilsast Joe Biden og Kamala Harris í einum sjónvarpaðum valfundi, sum varð sendur tá
Mynd: Savnsmynd (AP)  
 
12.08.2020 - 08:22

Joe Biden, demokratiska forsetavalevni í USA, heur nú kunngjørt, hvør verður hansara varaforseti, vinnur hann forsetavalið 3. november.

Valið fall á kvinnuliga senatorin úr Kalifornia, Kamala Harris, hvørs foreldur eru úr India og Jamaika. Hon er fyrsta litta kvinna, sum er vald sum varaforsetavalevni.

 >> SÍ EISINI Alment tilnevndur í næstu viku

Bara tvær ferðir áður hava kvinnur verið varaforsetavalevni. Kamala Harris er 55 ára gomul, løgfrøðingur og var ákæri áðrenn hon fór upp í politikk.

Kamala Harris stillaði eisini upp til at vera forsetavalevni hjá Demokratunum, men hon gavst við hesi royndini í desembermánaði.

Kann fáa stóran týdning

Kamala Harris hevur verið ein av favorittunum til at vera varaforsetavalevni síðani Joe Biden í mars kunngjørdi, at hann skuldi hava ein kvinnuligan varforseta. 

Valið av varaforseta kann fáa størri týdning, enn tað hevur havt fyrr, tí Joe Biden verður 78 ára gamal, tá nýggi forsetin verður tikin í eið í januar.

Tað merkir, at um Biden vinnur valið, verður hann elsti amerikanski forseti í søguni. Høgi aldurin kann eisini merkja, at hann ikki stillar upp aftur um fýra ár men tá letur stafettina víðari til varaforsetan.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585