Kann enda við borgarakríggi í Hvítarusslandi

Kann enda við borgarakríggi í Hvítarusslandi
Lukasjenko vil bara hava vald, og endin verður blóðigur, sigur Svetlana Aleksijevitj, sum fekk friðarheiðursløn Nobels í 2015
Aleksandr Lukasjenko hevur stýrt Hvítarusslandi við harðari hond, síðani hann kom til valdið í 1994
 
14.08.2020 - 09:30

Fer forsetin í Hvítarusslandi, Aleksandr Lukasjenko, ikki frá, so verður borgarakríggj í landinum.

Tað sigur rithøvundurin, Svetlana Aleksijevitj, í samrøðu við Radio Free Europe.

Hon vísir á, at Lukasjenko vil bara hava vald, og endin verður blóðigur, sigur hon. Hon fekk virðisløn Nobels í bókmentum í 2015.

Síðani valið sunnudagin hava ógvislig mótmæli verið í Hvítarusslandi, og fleiri túsund fólk eru sett føst.

Og tí heitir Svetlana Aleksijevitj á Lukasjenko um at leggja frá sær, áðrenn borgarakríggj brestur á.

Stýrir við harðari hond

Lukasjenko hevur stýrt Hvítaruslandi, sum er eitt av fátækastu londunum í Evropa, við harðari hond síðani í 1994. Tey sum hava roynt at bjóða honum av, eru fongslað, meðan onnur hava valt at stinga í sekkin og flyta av landinum.

Svetlana Tikhanovskaja, sum stillaði upp ímóti Lukasjenko, avgjørdi týsdagin at rýma úr Hvítarusslandi og at leita sær friðskjól í Litava, skrivar Ritzau.

Í morgun frættist, at minst 6.000 fólk eru tikin í mótmælunum í Hvítarusslandi í vikuni, men nú eru 100 av teimum latin leys, skriva tíðindastovurnar.
 

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584