Túsundtals mótmæltu: Krevja nýval

Mótmælisfólkini hava mótmælt forsetanum Alexander Lukashenko. Tað skriva millum annað bretska kringvarpið, BBC, og tíðindastovan, AFP.

Forsetaval var í Hvítarusslandi tann 9. august, og sitandi forsetin segði seg vinna valið við umleið 80 prosent av atkvøðunum.

Fleiri enn 6.000 handtikin

Andstøðan sigur tó, at forsetin hevur framt valsvik, og umframt valúrsltið mótmæla fólk eisini harligu og tilvildarligu viðferðina, tey hava fingið frá løgregluni í kjalarvørrinum av mótmælunum.

Fleiri enn 6.000 fólk eru handtikin og nógvar fráboðanir eru um, at løgreglan fremur harðskap og tortur móti mótmælisfólkum.

Tey flestu av teimum handtiknu vórðu tó leyslatin aftur beint undan vikuskiftinum. Støðan í Hvítarusslandi fekk uttanríkisráðharrarnar í ES at hittast í síðstu viku at viðgerða støðuna.

Putin lovar Lukashenko stuðul

Uttanríkisráðharrarnir samdust um at seta tiltøk í verk móti teimum fólkunum, ið skulu standa aftanfyri valsvikið og harðskapin móti mótmælisfólkunum. Russland, hinvegin, stuðlar hvítarussiska forsetanum, Lukashenko.

Sambært russisku tíðindastøðini RT, hevur Vladimir Putin, russiski forsetin, lovað hvítarussiska starvsbróðuri sínum, at Russland er til reiðar at veita honum stuðul, og eisini hernaðarligan stuðul um neyðugt.

Ein av andstøðuleiðarunum, og sum var á vallepanum til valið, Svetlana Tikhanovskaya, flýddi í vikuni til Litava eftir, at hon kendi seg ótrygga. Hon fekk 10 prosent av atkvøðunum til forsetavalið.