18.000 fólk arbeiðsleys í Íslandi

Arbeiðsloysið í Íslandi var 8,5 prosent í august, 0,6 prosentstig meira enn í juli.

Sløk 18.000 fólk eru arbeiðsleys.

Íslendska arbeiðsloysisskipanin væntar, at at arbeiðsloysið fer at vaksa næstu mánaðirnar.

Ein triðingur av teimum arbeiðsleysu hava starvast í ferðavinnuni, stendur í  frágreiðing íslendsku arbeiðsloysisskipanini.
 
Størsta arbeiðsloysið er á Suðurnesjum, 16,9 prosent, og helvtin av teimum arbeiddu við ferðavinnu. 

Arbeiðsloysi millum útlendskar ríkisborgarar var 19 prosent í august. 

Og allastaðni uttan í høvuðsstaðarøkinum eru fleiri kvinnur enn menn arbeiðsleysar, skrivar íslendska kringvarpið.