Forsetin ikki rindað skatt í fleiri ár

Amerikanski forsetin, Donald Trump, hevur ikki rindað inntøkuskatt í 10 av teimum seinastu 15 árunum. 

Tað skrivar The New York Times, sum hevur fingið innlit í skattaskjølini hjá Trump.

Trump rindaði 750 dollarar,  sum eru 4.800 krónur í dagsins kursi, í inntøkuskatti í 2016, - árið, sum hann varð valdur til forseta. 

Hann rindaði somu upphædd í 2017.

Í 10 av seinastu 15 árunum hevur hann ikki rindað skatt av inntøku síni, skrivar blaðið.

Yvirlitið hjá The New York Times vísir ikki skattauppgerðina hjá Trump fyri 2018 og 2019.