Fimm smittutilburðir í gjár

Enn eina ferð hevur landslæknin staðfest fleiri smittutilburðir í smittuketuni, sum landslæknin fylgir.

Í gjár vórðu fimm smittutilburðir staðfestir aftrat. Tey eru avbyrgd, og landslæknin er farin undir smittusporingina.

Tey fimm eru smittað í Føroyum, og øll eru partur av somu smittuketu, sum landslæknin veit um, sigur Heilsumálaráðið.

1006 kanningar í gjár

Í gjár vórðu 1006 kanningar gjørdar, og allar kanningarnar eru liðugt greinaðar. Tilsamans eru 131.130 kanningar gjørdar.

472 fólk hava fingið staðfest koronusmittu í Føroyum. 429 fólk eru frísk aftur, o  sostatt eru 43 fólk smittað í løtuni.

Eingin er innlagdur við koronu.