Danske Bank sparir 1600 ársverk

Danske Bank fer at spara 1.600 ársverk næstu 12 mánaðirnar, skrivar danska blaðið, finans.dk, á netinum.

Hetta er liður í 2023-ætlanini hjá bankanum, sum hevur til endamáls at skerja útreiðslurnar.

Sparingarnar hjá Danske Bank fara at raka ymiskar deildir og kjarnuøki í samtakinum hjá bankanum.

22.000 fólk starvast hjá Danske Bank, 11.000 arbeiða í Danmark. Tey 1.600 ársverkini svara til, at meira enn sjey prosent av starvsfólkunum verða spard burtur.